14/04/2017

Яз

Яз килде дә, җылы кояш көлде
Сулар ташып чыкты елгадан.
Җылы якка киткән кошларыбыз
Сагынып кайтып җитте ерактан.

Агачлар да бөре чыгардылар
Озакламый яфрак ярырлар.
Шау чәчәккә күмелер алмагачлар
Барлык чәчәк аттылар.

Яз килде

Түбәдән тамчы тама,
Күңлемдә шатлык туа.
Сыерчыклар килгәнгә,
Балалар да шатлана.

Яз килә

Кояшлы көннәре белән
Яз килә туган якка.
Урамнарда гөрләвекләр
Челтерәп агып ята.

Кошлар кайта җылы яктан
Туган якны сагынып.
Шатланышып сайрый алар,
Канатларын кагынып.

Агачларда бөре бүртә
Җылы көнгә сөенеп
Без йөрибез урамнарда
Юка киемнәр киеп.

Яз башы

Яз килде,
Карлар эреде.
Җылы яклардан
Кошлар да кайтты.
Бөреләр дә уянды.
Умырзая чәчәк атты
Урамда гөрләвекләр акты.
Саф һава
Кояш нурларын
Безгә сибә.
Без шатланып
Урамга чыгабыз.
Бөтен дөнья
Яшелгә күмелә.
Сандугачлар сайрый,
Ничек рәхәт!

Яз

Яз килде,
Кояш көлде,
Карлар эреде,
Гөрләвекләр акты.

Җылы яклардан
Кошлар да кайтты,
Бар җиһанга яңадан
Тормыш кайтты.

Яшелләнде болын,тугай
Сайрады инде тургай
Сагындырыр әле,
Аклыгы белән кышкы ай.

Яз хәбәре

Яз килә, яз килә
Бар табигать уяна.
Кар астыннан баш калкыта
Нәфис кенә умырзая.

Яз хәбәрен алып килә
Сыерчык канатында.
Бу хәбәргә сөянә
Барлык бала-чага да.

Урманга да яз килгәне
Бик тиз барып ирешә.
Агачларда бөреләр дә
Бүртә бик тиз арада.

Бар табигать яшеллеккә
Төренер тиз арада.
Укучылар таралышыр
Җәйге озын ялларга.