19/04/2012

Утка тартылу

Акча ут дип кисәтергә тели,                           
Изге китап, әгәр хак булса.                          
Адәм һаман утка тартыладыр                         
Акча эзләп, якты көн туса.

Берәүгә ул җитми тәҗел ихтыяҗың                
Каплап-ямап тормыш итәргә.                       
Икенчеләр акча диеп: шаша                        
Яулар өчен күкне иртәгә.

Утта янмый, суда батмый гына                           
Акча эшләүчеләр бихисап.                       
Берәүләргә акча үзе килеп керә —                        
Менә шундый гаҗәп икътисад!

Ут билгесе булган зур акчалар               
Комсызларның кулын пешерми.             
Ярышалар байлык туплау белән,                         
Шул максатны телдән төшерми.

Фәкыйрь мескеннәргә акча ут түгелдер,              
Шәм яктысы кебек сүрәндер.                               
Кемгә күпме өлеш чыгарасын                     
Бүлүчесе күптән белгәндер...                    
Гаделлекне монда табып булмый,              
Фәлсәфәсе гаять тирәндер.

Комментариев нет:

Отправить комментарий